MATN ORQALI FIKRLARNI INTELEKTUAL (SUN’IY INTELEKT) TAHLIL QILISh TIZIMI

Samarqand davlat universiteti, bajaruvchi:Kobilov Sami Saliyevich, Rabbimov Ilyos Mehriddinovich

Mahsulot ishlab chiqaruvchi va ularni insonlarga taqdim qiluvchi tashkilot va korxonlar. Insonlar (fuqarolar) fikrlarini tahlil qiluvchi ijtimoiy institutlar va davlat tashkilotlari. O’zi va o’z brendi haqidagi fikrlarni avtomatik tahlil qilishni hohlovchi shaxslar yoki tadbirkorlar.

Tadqiqot natijalari asosida O’zbekiston Respublikasi Oliy attestasiya komissiyasi ro’yhatidagi va Web of Science, Scopus ma’lumotlar bazasida indeksiyalangan jurnallarda ilmiy maqolalar hamda keng ma’lumotlar bazasi ishlab chiqiladi.

Innovasion ishlanma insonlarning (mijozlarning) mahsulotlarga, xizmatlarga, brendlarga, tashkilotlar va insonlarga atab ijtimoiy tarmoqlarda (Facebook, Telegram, YouTube) yoki boshqa Internet platformalarida yozgan fikrlarini avtomatik to’plash va ularni -Ijobiy -Salbiy -Neytral kabi sinflarga avtomatik ajratishga xizmat qiladi. Ushbu ishlanma oxirgi sun’iy intellekt texnologiyalaridan foydalangan holda va ilmiy asoslangan shaklda ishlab chiqilmoqda.

Innovasion ishlanma yordamida tadbirkorlar, siyosiy arboblar, mashhur shaxslar, tashkilotlar va tadqiqotchilar: - o’z obro’sini himoya qilishi, ya’ni o’zi haqidagi salbiy fikrlarni ijtimoiy tarmoq va boshqa platformalardan avtomatik aniqlashi, ularning mualliflariga javob berishi; - mahsulotlarni sotish va rivojlantirish bo’yicha g’oyalarga ega bo’lishi; - internetdagi va ijtimoiy tarmoqlarda mahsulotlar, xizmatlar, insonlar va ularning fiklari haqida ko’proq yozishadi; - o’z brendlari, maxsulot va xizmatlarini raqobatchilari bilan taqqoslashlari uchun ma’lumotlaga ega bo’lishlari mumkin. Shuningdek, ushbu ishlanma natijalaridan Xalq qabulxonalari, tashkilot rahbarlari elektron qabul¬xonalariga yo’llangan matnli shikoyatlarni avtomatik ravishda sinflarga ajratishda, elektron matnlarni kategoriya-lashda foydalanish mumkin. Saylovlar va boshqa hodisalar haqida ijtimoiy tarmoqlar-dan insonlarni fikrlarini avtomatik aniqlash va ularni sinflash imkoniyatini beradi.

Manzil:140104, O`zbekiston, Samarqand shahri, Universitet xiyoboni,15-uy

Telefon:+998 66 2391501,2391940,2391418

Faks:+998 66 2391553, 2391561

Email:devonxona@samdu.uz