SAMARQAND VILOYATI SHO’RLANGAN TUPROQLARI VA ULAR MELIORATIV HOLATINI ILMIY ASOSDA YAXSHILASH CHORA-TADBIRLARI

Samarqand davlat universiteti, bajaruvchi:Ortiqov To’lqin Qo’chqorovich

Samarqand viloyati fermer xo’jaliklarining turli daraja va tipda sho’rlangan tuproqlarida ilmiy ishlanma joriy qilinadi.

Tadqiqot natijalari Web of Science hamda Scopus ma’lumotlar bazasida indeksasiyalangan jurnallarda chop etiladi.

Bunda sho’rlangan tuproqlarning singdirish kompleksidagi almashinib singdirilgan kationlar miqdori va ulushi, suvli so’rim analizi bo’yicha tuzlar tarkibi va miqdori, karbonatlar, gidrokarbonatlar, xloridlar, sulfatlar, kalsiy, magniy, natriy va kaliy miqdori, tuproq mexanik tarkibi, sizot suvlarining chuqurligi aniqlana¬di, ushbu ma’lumotlar asosida sho’rlanish tipi va darajasi, meliorativ tadbirlarning parametrlari, zovurlarning optimal chuqurligi topiladi. Bu ma’lumotlar meliorativ tadbirlarni sharoitdan kelib chiqib to’g’ri tanlashga va qo’llashga imkon beradi. Turli tip va miqdorda sho’rlangan yerlarda ekin turlarini to’g’ri tanlab joylashtirish uchun sho’rga jidamli ekin turlari ekilib sinovdan o’tkaziladi va ular ichidan eng yaxshilari aniqlab olinib sho’r yerlar amaliyotiga joriy qilinadi. Mineral o’g’itlarning turli shakllari va organik o’g’itlar samaradorligi o’rganilib eng maqbul o’g’it turlari, shakllari va me’yorlari ilmiy asosda aniqlanadi. Bu ishlarni bajarish uchun kerakli laboratoriyalar, asbob-uskunalar, jihozlar va metodikalar mavjud.

Turli tip va darajada sho’rlangan tuproqlar meliorativ holati alohida differensial o’rganiladi va ular meliorativ holatini yaxshilash bo’yicha tuproq sho’rlanish tipi, drajasi, sizot suvlari chuqurligi, tuproq mexanik tarkibidan kelib chiqib tavsiyalar ishlab chiqiladi. Shu bilan birga tuproq unumdorligi, xossalari, sho’rlanish tipi va darajasidan kelib chiqib optimal ekin strukturasi aniqlanadi va ishlab chiqarishga joriy qilinadi. Sho’rlangan yerlarda sho’rlanish tipi va darajasidan kelib chiqib mineral va organik o’g’itlarni samarali qo’llash usullari va texnologiyalari ishlab chiqiladi.

Manzil:140104, O`zbekiston, Samarqand shahri, Universitet xiyoboni,15-uy

Telefon:+998 66 2391501,2391940,2391418

Faks:+998 66 2391553, 2391561

Email:devonxona@samdu.uz