TUPROQNI MULChALASh ORQALI INNOVASION ISSIQXONALARDA EKINLAR HOSILDORLIGINI OShIRISh TEXNOLOGIYASINI JORIY ETISh

Samarqand davlat universiteti, bajaruvchi:Xoliqulov Shodi Turdiqulovich

Hozirgi paytda dunyoning ko’pchilik mamlakatlarida ishlab chiqarish xarajatlarini va energetik resurslarni tejash, tuproq unumdorligini saqlash va undagi namlikdan samarali foydalanish maqsadida tuproqqa ishlov berishni minimallashtirish va har xil agrotexnikalarni ishlab chiqish keng joriy etilmoqda. Tuproqlarni turli xil materiallar, o’simlik qoldiqlari bilan mulchalash tuproq unumdorligini, qishloq xo’jalik ekinlarini intensiv o’sishi, rivojlanishi va hosildorligini oshishi, kam harajat sarflanishini, yuqori texnologik xossaga va sifatiga ega mahsulot yetishtirilishini ta’minlaydi.

Qishloq xo’jaligi, fermer, tomorqa xo’jaliklarida qo’llash tavsiya etiladi.

Mulchalash natijasida shirin qalampir hosildorligi 25-30% gacha oshib, hosil 15-20 kunga erta pishib yetiladi; Tuproqni mulchalash tuproq haydov qatlami temperaturasi 5-6 oS gacha, effektiv temperaturalar yig’indisini 200-400oS oshiradi; Tuproq namligini behuda bug’lanishini oldi olinadi (25-30% namlik tejaladi); Yerdan foydalanish samaradorligi ortadi, dehqon va tamorqa xo’jaligi yurituvchi aholi daromadlarini oshiradi. Aholini ish bilan band qilishga erishiladi. Chet elga eksport qilish uchun hosil erta tayyorlanadi.

Tuproqni mulchalash orqali innovasion issiqxonalarda ekinlar hosildorligini oshirish texnologiyasini joriy etish har gektar yerdan 400 mln so’m yalpi foyda olish imkonini beradi. Ekinlar o’sishi, rivojlanishi, hosildorligini oshishiga hamda hosilni erta pishishiga erishiladi

Manzil:140104, O`zbekiston, Samarqand shahri, Universitet xiyoboni,15-uy

Telefon:+998 66 2391501,2391940,2391418

Faks:+998 66 2391553, 2391561

Email:devonxona@samdu.uz